இந்தியர்கள் சவுதியில் 'இந்த 12 தொழில்களைச் செய்யக் கூடாது'- தடை விதித்த சவுதி அரேபியா அரசு

mgid start
வுதி அரேபியாவில், 12 தொழில்களில் ஈடுபட இந்தியர்கள் உள்ளிட்ட வெளி நாட்டினருக்குத் தடை விதிக்கப்பட்டுள்ளது.
அதன்படி, செப்டம்பர் 11-ம் தேதி முதல்  மருத்துவ உபகரணங்கள், கைக்கடிகாரங்கள் , கண் கண்ணாடி, எலெக்ட்ரானிக் பொருள்கள், கார் உதிரிப்பாகங்கள், கட்டடம் கட்டப் பயன்படும் பொருள்கள், ரெடிமேடு ஆடைகள், வீட்டுக்குத் தேவையான பொருள்கள் உள்ளிட்ட 12 தொழில்களில் இந்தியர்கள் இனிமேல் ஈடுபட முடியாது. 

சவுதி அரேபியாவில், 32 லட்சம் இந்தியர்கள் வசிக்கின்றனர். சவுதி அரேபியாவின் புதிய சட்டம் காரணமாக, அந்த நாட்டில் வசிக்கும் இந்தியத் தொழிலாளர்களின் நிலை கேள்விக்குறியாகியுள்ளது. 2019-ம் ஆண்டு ஜனவரி மாதம் வரை இந்தத் தடை நீடிக்கும். கச்சா எண்ணெய் விலை குறைவு காரணமாக, அந்த நாட்டில் வேலைவாய்ப்பின்மை 12 சதவிகிதம் அதிகரித்துள்ளது. சவுதி அரேபிய மக்களை இதுபோன்ற தொழில்களில் ஈடுபடவைக்கும் வகையில் இந்தச் சட்டம் இயற்றப்பட்டுள்ளது.